შეამოწმეთ თქვენი საიტის SEO
გაიგეთ, რა მუშაობს სწორად, სად არის პრობლემა და რა უშლის ხელს საიტის უკეთ გამოჩენას ძიებაში. დასკვნებს კონკრეტული გვერდებითა და გაზომვებით დავასაბუთებთ.
თითოეული შესაბამისი ტიპიდან ერთ გვერდს სიღრმისეულად შევამოწმებთ — მთავარ გვერდს, კონტაქტს, პროდუქტს თუ სერვისს.
რამდენიმე გვერდი. მნიშვნელოვანი დეტალები.
ვირჩევთ მთავარ გვერდს და თითო მაგალითს ქვემოთ ჩამოთვლილი ტიპებიდან, თუ საიტზე მოიძებნა. ერთი და იგივე გვერდი ორჯერ არ ჩაითვლება.
- მთავარი გვერდი
- კონტაქტი
- ჩვენ შესახებ
- მაღაზია / კატალოგი
- კატეგორია
- პროდუქტი
- სერვისი
ფაქტებზე დაფუძნებული ანგარიში
ტექნიკური SEO
წვდომა, ინდექსაციის მითითებები, canonical მისამართები, sitemap და შიდა ბმულების მდგომარეობა.
კონტენტი და სტრუქტურა
სათაურები, აღწერები, გვერდებს შორის გამეორებები, სურათების ტექსტური ალტერნატივები და ენობრივი ვერსიების მითითებები.
მობილური და სიჩქარე
ტელეფონის, პლანშეტისა და კომპიუტერის განლაგება; შერჩეული გვერდების ლაბორატორიული სიჩქარის გაზომვები.
პრიორიტეტები და მტკიცებულებები
დადასტურებული პრობლემები, გადასამოწმებელი საკითხები და სწორად შესრულებული ნაწილი — ზუსტი მისამართებითა და გავლენის ახსნით.
რას გვიჩვენებს საჯარო შემოწმება?
ანგარიში ასახავს შემოწმების დროს შერჩეულ გვერდებზე ნანახ მდგომარეობას. Google-სა და Bing-ში რეალური ინდექსაცია, ტრაფიკი, უკუბმულები და გაყიდვები დახურულ მონაცემებზე წვდომის გარეშე ვერ დასტურდება. თუ რომელიმე გაზომვა მიუწვდომელია, ამას პირდაპირ აღვნიშნავთ.
სანამ დაიწყებთ
რა მივიღებ ელფოსტაზე?
მიიღებთ PDF ანგარიშსა და მის პირად ბმულს: რა არის სწორად შესრულებული, რა პრობლემებია, რომელ გვერდებს ეხება და რატომ არის მნიშვნელოვანი. ანგარიშში კოდის ან პარამეტრების შეცვლის ინსტრუქციები არ შედის.
რამდენ ხანს გრძელდება შემოწმება?
ჩვეულებრივ რამდენიმე წუთი სჭირდება. დრო დამოკიდებულია რიგზე, საიტის პასუხსა და გაზომვების ხელმისაწვდომობაზე. შეგიძლიათ ჩანართი დახუროთ — შემოწმება გაგრძელდება და ანგარიში ელფოსტაზე მოვა.
თუ საიტი ზოგ შემოწმებას ბლოკავს?
წვდომის შეზღუდვას არ ავუვლით გვერდს. ანგარიშში დავწერთ, რა შემოწმდა და რა ვერ შეფასდა. მიუწვდომელ მონაცემს არც ნულოვან ქულად ვაქცევთ და არც წარმატებულ შედეგად.
როგორ გამოიყენება ჩემი მონაცემები?
ელფოსტას ვიყენებთ მოთხოვნის დასადასტურებლად და ანგარიშის გამოსაგზავნად. მოთხოვნასა და შიდა ტექნიკურ ანგარიშს იღებს Samsiani-ც. საჯაროდ არ ქვეყნდება. ანგარიშის ბმული 30 დღეში იწურება, მოთხოვნის მონაცემები მაქსიმუმ 90 დღეში იშლება. წაშლის მოთხოვნისთვის მოგვწერეთ contact@samsiani.com-ზე.